Өглөө сэрэхэд л хотын энд тэнд “Хар хайрцаг тун удахгүй...” гэж бичиг наасан, бүр талбайн хажууд том дүнхийсэн хар хайрцаг байршуулсан байгаа нь энэ нээрээ юу юм бол гэсэн анхаарлыг төрүүлээд байсан юм. Гэтэл өнөөдөр өглөө бүр гайхалтай зүйл болоод байгаа нь замын цагдаа өнөөх хар хайрцаг дээр гараад зогссон байна. Цагдаагийн зохицуулах индэрийн хажуугаар өнгөрсөн жолооч нар, явган зорчигчид эвэртэй туулай харсан аятай гайхаж байна. Ингэж өөрчлөгдснийг бодоход магадгүй 11-р сарын 1-нээс шинээр мөрдөгдөх гэж буй замын хөдөлгөөний шинэ дүрэмтэй холбоотой юм болов уу. Онгоцонд байдаг хар хайрцаг шиг арай Улаанбаатар хотод хөдөлгөөнд оролцдог бүх автомашинд хар хайрцаг суурилуулж жолооч нарыг хууль мөрдүүлдэг болгох гэж байж магадгүй гэж хардах хүмүүс ч байна.
24news.mn