Дизайнер Д.Отгонжаргал "OCouture Spring 2018" "Цэцэгсийг хайрлая" цувралаа гаргалаа. Цувралынхаа тухайд "Өнөөгийн нийгэмд хамгийн их сэтгэл эмзэглүүлж байгаа хүүхэд эмэгтэйчүүдийн хүчирхийллийн эсрэг дуу хоолой болгон FLOWERS MUST BE LOVED нэртэй цуглуулгаа танилцуулж байна. Бид Монголын бүх хүүхэд эмэгтэйчүүд өнгийн цэцэгс шиг үзэсгэлэнтэй өнгөлөг байгаасаа! Хүнд хэцүү нийгмээс ч өнгөлөг, хүчирхэг, зорилготой, зоригтой цэцэгс ургаж чадна гэсэн утга санааг энэхүү цуглуулгаараа илэрхийлэхийг зорилоо. FLOWERS MUST BE LOVED энэхүү урианы утга санаа маш өргөн тул өөр өөрсдийнхөөрөө ойлгох, ухаарах орон зайг танд үлдээж байна. Монголын минь цэцэг шиг хүүхэд, эмэгтэйчүүд айдсын харц тээж, нүдэндээ нулимстай, сэтгэлдээ айдастай хэзээ ч бүү байг!" хэмээжээ. Тэгвэл энэ удаагийн цуглуулгын моделоор МУСТА, топ модел Д.Пүрэвсүрэн буюу Пүүжээ, жүжигчин Б.Цэцэг нар ажилласан байна.
Эх сурвалж http://www.info.mn
24news.mn
