Энхрий төрх, эелдэг аашаар өөрийгөө чимсэн Б.Батчимэгийг энэ удаагийн “Гоо сайхан” буландаа онцолж байна. Уян хөдөлгөөн, уран чадвар шаарддаг балетын урлагаар хичээллэдэг тэрбээр дотоодын болон олон улсын тэмцээн уралдаанд амжилт үзүүлж, авьяасаараа салбартаа түүчээлж буй нэгэн. Тухайлбал, “Кимбоза”, “Бачата” зэрэг бүжгийн улсын аварга шалгаруулах уралдаанд тэргүүн байр эзэлж байжээ. Ээж болохоор зэхэж буй түүний алсын зорилго нь дэлхийд нэрээ цуурайтуулсан алдартай уран бүтээлч болох гэнэ.
Эх сурвалж: Засгийн газрын мэдээ сонин