Зохиолч Тимоти Феррис ямар ч номыг 20 минутын дотор уншиж сурах аргыг өөрийн блогтоо хуваалцжээ. Энэ аргыг суралцаж чадвал 3 дахин хурдан уншиж сурах юм. Жишээлбэл, 10 хуудас номыг нэг минутад, нэг хуудсыг зургаан секундэд унших чадвартай болно гэсэн үг. Ингээд Тим Феррисын зөвлөгөөг хүргэж байна. 

Харааны дасан зохицох чадвараа сайжруул
Ном унших хурд таны харааны үйл ажиллагаатай шууд холбоотой. Хурдан уншиж сурахын тулд та хамгийн түрүүнд уншиж байгаа номдоо өөрийн нүдний харааг дасгах хэрэгтэй.
Захын харааны мэдрэмжээ төвлөрүүлж сур
Та захын харааны мэдрэмжээ төвлөрүүлж сурснаар ном унших хурдаа 3 дахин өсгөх боломжтой. Захын харааны мэдрэмж гэдэг нь зөвхөн өөрийн урд байгаа зүйлээ хараад зогсохгүй нүдний буланд юу харагдаж байгааг давхар мэдэрч чаддаг аргад суралц. Ингэснээр уншиж байгаа номынхоо өгүүлбэр бүрийг уншиж суулгүй хуудсаар нь гүйлгэж харж чаддаг чадварт суралцах юм. Энэ аргыг бага багаар давталттайгаар хийснээр та төвөггүйхэн хурдан уншиж сурна.
200 хуудастай номыг 20 минутад ямар арга техникээр хурдан уншиж сурах вэ
Ном унших үйл явцыг хурдасгах. Өөрөөр хэлбэл нэг мөрөнд зарцуулж буй хугацаагаа багасгах ёстой. Тиймээс та нэг мөрт 3 минут зарцуулах дасгал хийх нь чухал. Энэ дасгалыг эхний ээлжинд нэг мөрөөр унших нь зөв. Ингэхдээ үзэг, бал ямар нэг зүйлээр чиглүүлэгч ашиглан уншвал илүү үр дүнтэй. 

Тэмдэглэл хөтөлж, төлөвлөгөө гарга

Номоо 20 минутын дотор уншаад дуусгачихлаа. Гэвч та юу ойлгосон бэ. Хэрэв ойлгоогүй бол тэмдэглэл хийж, төлөвлөгөө гарга. Энэ нь номоо хурдан бөгөөд утгыг нь алдуулахгүйгээр ойлгох чадварт сургах болно.

- Өөрийнхөө унших хурдыг шалга

- Номоо уншиж эхлэхийн өмнө таны ном унших эцсийн зорилтот хурд хэд вэ гэдгийг сайн тооц

- Тухайн номыг уншиж байгаа зорилгоо тодорхой болгож бич, би энийг уншсанаар ийм зүйлийг ойлгож авах ёстой гэхчилэн

- Унших явцдаа гартаа үзэг бариад тэмдэглэл хий. Өөрт хэрэгтэй ойлгосон зүйлээ доогуур нь зурж тэмдэглэ. Энэ нь харааны хурдыг нэмэгдүүлэхээс гадна няхуур уншиж сайн ойлгоход тус болно.

Дээрх зөвлгөгөөг та нэг бүрчлэн хийснээр унших хурд чинь 3 дахин нэмэгдэж, ямар ч номыг 20 минутад уншиж чаддаг болно гэдэгт итгэлтэй байна "Тимоти Феррис” 









Бэлтгэсэн: М.Мишээл

24news.mn