Бүсгүй хүн бүхэн арьсааа цэвэрхэн, хүүхдийнх шиг зөөлөн булбарай байлгахыг хүсдэг. Энэхүү хүсэлд тус болох 5 төрлийн маскийг гэртээ хэрхэн бэлдэх дэлгэрэнгүйн зааврыг та бүхэнд хүргэж байна. Эдгээр маскууд нь үхэжсэн арьсыг цэвэрлэж, арьсны нүхийг агшааж, цусны эргэлтийг сайжруулж улмаар шинэ арьсыг нөхөн сэргээж өгөх ач тустай. Арьсанд хор нөлөөтэй синтетик агуулсан бэлэн масканд мөнгө зарцуулах хэрэггүй. Энгийн найрлагатай, хугацаа нь дууссан болов уу гэж санаа зовохгүйгээр гэртээ шинэхэн маскаа бэлдэж болох юм.
Та дараах маскийг тавихын өмнө:
- Нүүрээ маш сайн гүн цэвэрлэх хэрэгтэй. Арьсны нүхэнд байгаа бохирыг цааш оруулахгүй байх хэрэгтэй. Тиймээс сайтар цэвэрлэ.
- Үсээ дээш шууж боогоорой. Задгай байвал масканд наалдах учраас анхааруулж байна.
- Маскийг нүдний ойролцоо болон хөмсөг дээр түрхэхгүй байх. Учир нь нүдний орчмын арьс маш эмзэг байдаг. Мөн сормуусанд хүрвэл салгах хэцүү байдаг.
Желатинтай маск
1. Нүүрсэн эмтэй нүүрний маск
Нүүрсэн эм нь хэдийгээр тас хар өнгөтэй ч биен дэхь хорыг гадагшлуулах ач тустай билээ. Түүний энэ үйлчилгээ арьсанд ч тустай. Химийн орцтой тос, пудр, крем, элдэв төрлийн бохирдлоос болоод арьс хордож, гэмтэж байдаг. Тиймээс арьсны хорыг нүүрсэн эм гадагшлуулдаг.
Харин желатин нь арьсны коллагеныг нэмэгдүүлж, үрчлээнээс сэргийлж, нүүрэн дээрх батгыг арилгах ач тустай байдаг.
Орц:
Нунтаг желатин - 1/2 халбага
Ус - 1 халбага
Нүүрсэн эм - 1/2 халбага
Алхам:1 Желатин болон нүүрсэн эмээ нэг саванд холино
Алхам: 2 Дэээр нь 1 халбага бүлээн усаа хийгээд сайтар хольж хутгана
Алхам:3 Маскийг нүүрэндээ 7 хоногт 1 удаа тавина
- Маскаа тавихын өмнө нүүрээ сайтар цэвэрлэнэ. Арьсны нүхийг нээж цэвэрлэхийг хүсвэл нүүрэндээ бүлээн алчуураар жин тавьж болно
- Зориулалтын багс ашиглан нүүрэндээ маскаа тавина. Хөмсөг болон нүдний орчим түрхэхгүй байхыг анхаараарай. Хар батга ихээр гардаг хамар, дух зэрэг хэсэгт хэсэгчлэн маскийг түрхэж болно.
- Маскыг бүрэн хатаахын тулд тодорхой хугацаа хэрэгтэй. Тиймээс яарах хэрэггүй.
- Батгыг нүхнээс суга татан авах зорилгоор маскийг хуульж болно. Эсвэл бүлээн усаар угааж цэвэрлэнэ.
- Хэрвээ маскийг хуулж авсанаас болж арьс тань улайж байгаа бол наргил модны тос түрхээрэй. Чийгшүүлэх тос, лосьн түрхэж болно.
Энэхүү маскийг хар батгаа арилгахын тулд 1 сард 3- 4 удаагийн давтамжтайгаар тавина.
2. Жүржтэй маск
Жүрж нь антиоксидантуудаар элбэг, чөлөөт радикалуудтай тэмцэж, арьсыг эрт хөгшрөхөөс сэргийлдэг. Витамин С -ээр баялаг. Ядарсан, өнгөө алдсан арьсны өнгийг сэргээж , туяа оруулдаг.
Орц:
Нунтаг желатин - 2 халбага
Жүржийн шүүс - 4 халбага
Алхам:1 Хоёр орцоо нэг саванд хийгээд холино. Халуунд тэсвэртэй саванд хийнэ
Алхам:2 Саванд дотор маск хийсэн савныхаа 1/4 - ээр татах ус хийгээд буцалгана. Халуун усан дотроо маскаа хийнэ. Желатиныг уустал буцалгаж хутгана. Уусан даруйд гаргаж хэсэг хөргөнө. Хэт удаан хөргөвөл желатин барцалдсан байх болно. Тиймээс удаан хугацаанд хөргөж болохгүй.
Алхам:3 Багс ашиглан нүүрэндээ маскаа түрхэх бөгөөд нүд болон хөмсгөн дээр түрхэхгүй байхыг зөвлөж байна
- Маскаа тавихын өмнө нүүрээ гүн цэвэрлэнэ
- Маскийг бүрэн хатаж дууссаны дараа цэвэрлэнэ
- Усаар зайлж цэвэрлэнэ
- Чийгшүүлэх тос түрхэнэ
3. Сүүтэй маск
Клеопатрагийн гоо үзэсгэлэнгийн нэгэн нууц нь халуун бүлээн сүүнд ордог байсан гэсэн домог бий. Сүү арьсны гүн дэхь бохирдлыг арилгаж, тэжээл өгнө. Энэхүү тэжээллэг бүтээгдэхүүнийг желатинтай хольвол үрчлээнээс урьдчилан сэргийлж, коллаген өгдөг.
Орц:
Сүү - 1 халбага + 1/2 халбага
Желатин - 1 халбага
Алхам:1 Орцуудыг нэг саванд хийж хутгана
Алхам:2 Түрүүчийн маскийг бэлтгэсэнтэй адил аргаар сүүнд желатиныг уусгана.
- Саванд дотор маск хийсэн савныхаа 1/4 - ээр татах ус хийгээд буцалгана. Халуун усан дотроо маскаа хийнэ. Желатиныг уустал буцалгаж хутгана.
- Уусан даруйд гаргаж хэсэг хөргөнө. Хэт удаан хөргөвөл желатин барцалдсан байх болно. Тиймээс удаан хугацаанд хөргөж болохгүй.
Алхам:3 Маскийг нүүрэндээ жигд түрхэж хэрэглэх бөгөөд 7 хоногт нэг удаа тавина.
- Маскаа түрхсэний дараа бүрэн хатаана
- Хүйтэвтэр усаар угааж цэвэрлэнэ
- Арьсыг цэвэр байлгахын тулд 7 хоногт 1 удаа тавьж хэрэглэнэ
Желатингүй нүүрний маск
1. Өндөгний цагаантай маск
Өндөг нь уургаар баялаг гэдгийг хүн бүхэн мэднэ. Тиймээс нүүрэнд олон амин дэм , уураг тэжээлийг өндөгнөөс авч болно. Батгыг багасгаж, дахин гарахаас сэргийлнэ. Цагаан ба хар батгыг арилгана. Үүн дээр нимбэгний шүүс нэмбэл цэвэрлэгээний үйлчилгээ нь илүү нэмэгддэг.
Орц:
Өндөгний цагаан - 1ш
Нимбэгний шүүс - 1 халбага
Алхам:1 Өндөгний цагааныг ялган авна
Алхам:2 Өндөгний цагаан дээр нимбэгний шүүсээ хийгээд сайтар хутгана. 7 хоногт 1 удаа тавьж хутгана.
- Маскаа тавихынхаа өмнө нүүрээ сайтар угааж цэвэрлэнэ
- Багс ашиглан нүүрэндээ түрхэнэ.
- Бүлээн усаар угааж цэвэрлэнэ
- Дараа нь чийгшүүлэх үйлчилгээтэй тос түрхэнэ
2. Нүүрсэн бол болон glue - тэй маск
Glue нь желатинтай ижил нөлөөтэй. Үхэжсэн арьсыг цэвэрлэж, нөхөн сэргээдэг. Хэрвээ та эмзэг арьстай бол тостой хольж хэрэглэх хэрэгтэй. Энэхүү хоёр орц нь арьсанд цочрол өгдөг. Тиймээс эмзэг, цочмог арьстай бол бүрэн түрхэхийнхээ өмнө хэсэг газар түрхэж үзэхийг зөвлөж байна.
Орц:
Нүүрсэн эм- 1 халбага
Цагаан Glu - 1 халбага + 1/2 халбага
Peppermint essential oil - 2-3 дусал /энэхүү тосны зааврыг сайтар уншаарай/
Алхам:1 Цагаан Glu дээр нүүрсэн эмээ хийнэ. Дээр нь тосоо хийгээд сайтар хутгана.
Алхам:2 Халбагаар хутгаж, хоорондоо уусаж жигд өнгөтэй болтол сайтар хутгана
Алхам:3 Долоо хоног бүр түрхэнэ
- Маскийг тавихаас өмнө нүүрээ сайтар цэвэрлэнэ
- Маскийг дээш чиглэлтэй тавиарай.Болгоомжтой, зөөлөн түрхэхийг зөвлөж байна.
- Бүлээн усаар угааж цэвэрлэнэ
Энэхүү маскийг арьсны гүнийг цэвэрлэж, хар батгыг арилгах зорилгоор хэрэглэнэ