Дэлхийн орнууд өөр өөрийн гэсэн соёлтой, онцлогтой. Үүнтэйгээ холбогдуулан хачихалтай гэмээр хуулиудыг гаргасан байдаг байна.
1. Хэрвээ та Милан хотыг зорих гэж байгаа бол үргэлж инээмсэглэхээ мартуузай. Учир нь Италийн энэхүү хотод ярвайх, хөмсгөө зангидах хориотой. Үргэлж инээмсэглэж байх нь хууль ёсны шаардлага бөгөөд эмнэлэгт, тэр бүү хэл оршуулган дээр ч инээмсэглэх ёстой байдаг юм байна.
2. Английн эрэг орчмын Лайм Режис хотод үхсэн могой загсаар хүн алгадах хориотой байдаг. Могой загасаар бие биенийгээ алгадах уламжлалт тоглоом эртнээс байсан ч 2006 онд орон нутгийн захиргаанаас уг тоглоомыг үхсэн амьтанд хүндэтгэлгүй, ёс зүйгүй хандаж байна хэмээн хоригложээ.
3. Хэрвээ та Сингапур улсыг зорих гэж байгаа бол бохио гэртээ үлдээгээрэй. 2004 онд Өмнөд Азийн энэхүү улс бохь зажилахыг хориглон маш хатуу хууль гаргасан. Хуулийн дагуу нэг ч бохь Сунгапур улсад зарагдахгүй мөн хэрвээ бохийг гудамжинд хаявал 500 долларын торгуультай байдаг байна.
4. Италийн Капри арал бол аялал жуулчлал ихээр хөгжсөн бүс. Хэрвээ та Капри арал уруу зорихоор шийдсэн бол резинэн углааш өмсөж болохгүй. Углааш болон задгай гутал нь их чимээ гаргадаг тул ийнхүү хориглогджээ.
5. Төв польшийн бяцхан хот Тюзинд Винни Пүүх баавгай тоглоомын газар, талбайд байх хориотой. Орон нутгийн захиргаанаас Винни Пүүхийг хагас нүцгэн, хүйс нь тодорхойгүй тул бага насны хүүхдүүдэд харагдаж болохгүй, тохиромжгүй хэмээн хуулиар хориглосон байна.
6. Австралийн хүн амын ихэнх нь суурьшсан хоёр дахь том муж болох Викториад зөвхөн мэргэжлийн зөвшөөрөлтэй цахилгаанчин л гэрлийн чийдэн солих эрхтэй байдаг. Хэрвээ мэргэжлийн цахилгаанчинаас өөр хүн гэрлийн чийдэн сольсон бол 10 хүртэл Австрали долларын торгуультай байдаг ажээ.
7. 2005 онд Колумбийн Икононзо хотын дарга Игнашио Жименез хэн нэгнийг муу хэлэх, ардуур нь муулахыг хуулиар хоригложээ. Түүнийг үзэж буйгаар хүнийг гүтгэн доромжлох, муу хэлэх нь үхэл амьдралыг нь шийдэх чадалтай учир ийнхүү хориглосон байна.
8. Францийн Колайнес хотын дарга 2009 онд гарсан гахайн ханидны тархалтыг зогсоохын тулд шүлсээ хаяхыг хуулиар хоригложээ.
9. Испаний Ланжарон хотод үхэх хориотой гэсэн хууль батлагдаж байсан. Хотын захиргаа газрын мөнгө төсөвт төлөвлөж, шинээр оршуулгын газар байгуулахаас нааш тус хотын 4000 иргэд үхэх хориотой болжээ.
10. Хятадуудын Төвдийг хянах гэсэн үзэл, тэдэнд ханддаг хандлага угаас муу нэртэй явсаар ирсэн. 2007 онд Хятад улс Төвдийн лам нар хутагт хувилгаадын хойд дүрийг Хятадын Засгийн Газрын зөвшөөрөлгүйгээр тодруулах хориотой хэмээн хуулиндаа заажээ.
11. Италийн Монза хотод дугуй шилэн хоргонд алтан загас тэжээх хориотой. Учирнь загас хүмүүсийн, орчны гажсан төрхийг шилээр дамжуулан харж, үүнээсээ болж их зовдог ажээ.
12. Италийн Эболи хотод хөдөлж буй тээврийн хэрэгсэл дотор үнсэлцэх хориотой. Энэ хуулийг зөрчвөл хэдэн зуун долларын торгуультай байдаг ажээ.
13. Австралийн Мельбүрн хотод амралтын өдөр өглөөний 10 цагаас оройн 9 цагийн хооронд, ажлын өдөр оройны 10 цагаас өглөөний 9 цагийн хооронд тоосоо соруулах хориотой.
