Америкийн Техас мужийн Сан-Антонио хотын оршин суугч өөрийн хамгийн үнэтэй зүйлийн нэг болох бараг 50 жил цуглуулсан жорлонгийн суултуурын бүхэл бүтэн музейгээ худалдахаар шийджээ. Янз бүрийн чимэглэл бүхий 1300 орчим жорлонгийн суултуур бүхий цуглуулгаа 96 настай Барни Смит цахим дуудлага худалдаанд оруулахаар шийдсэн аж.
Цаашид музейгээ тогтмол баяжуулж чадахгүй болсон учраас найдвартай хүний гарт өгөхөөр шийдсэнээ Смит ярьсан гэнэ. Музейгээ худалдаад Смит 15-20 мянган доллар олох байх хэмээн тооцоолжээ. Худалдан авагч олдох хүртэл Смит музейгээ өөрөө харж хандан, үзэгчдийг хүлээж авч байх гэнэ.
Эх сурвалж www.wikimon.m.n
24news.mn