Хөл бөмбөгийн “ДАШТ-2018”-ын ОХУ-Хорватын хооронд болох 1/4 шигшээ тоглолтод Сахалины амьтны хүрээлэнгийн Лорд арслан Хорватын шигшээ багийг хожино гэж зөгнөв. Лорд арслангаар зөнч амьтны үүргийг гүйцэтгүүлэх санааг Сахалины телевизийн сэтгүүлч Сергей Суханов гаргажээ.
Зөнч Ахилл муурны адилаар 9 настай Лорд арслангийн өмнө хоёр улсын далбааг хажууд нь байрлуулсан савтай мах тавьжээ. Арслан 2 дахь тавгийг буюу Хорватын далбааг байрлуулсан тавгийг сонгожээ. “Лорд арслангаар зөнч амьтны үүргийг гүйцэтгүүлэх эхний оролдлого амжилтгүй боллоо” хэмээн С.Суханов хэлсэн байна.
ОХУ-ын баг ¼ шигшээд Хорватын багтай энэ сарын 7-нд буюу маргааш Сочи хотын “Фишт” цэнгэлдэх хүрээлэнд учраа таараад байгаа юм.
24news.mn